काठमाडौँ, चैत १६ — गृहमन्त्री सुधन गुरुङले सोमबार प्रहरी प्रधान कार्यालय, नक्सालको निरीक्षण गर्दै प्रहरी प्रशासनलाई ‘मोडल’ बनाउने प्रतिबद्धता जनाउनुभएको छ। डिजिटल फरेन्सिक ल्याब र अपराध अनुसन्धान विभागको अवलोकनपछि उहाँले उच्च अधिकारीहरूलाई सम्बोधन गर्नुभयो।
उहाँले प्रहरीलाई सर्वसाधारणसँगको बोली र व्यवहार नम्र बनाउन कडा निर्देशन दिनुभएको छ।
त्यस्तै,रासनमा सुधार गर्ने र अनुसन्धानका लागि अत्याधुनिक प्रविधि भित्र्याउने आश्वासन दिनुभएको छ।
उहाँले प्रहरीका लागि आवश्यक कपडा उद्योग आफैँ खोलेर गुणस्तरीय उत्पादन गर्नुपर्ने प्रस्ताव गर्नुभएको छ।
उहाँले भन्नुभयो -“तपाईंहरू काम गरेर देखाउनुस्, आवश्यक स्रोत-साधन जुटाउने काम सरकारको हो।”
