काठमाडौं — पश्चिम एसियामा बढ्दो असुरक्षाबीच अलपत्र परेका नेपालीलाई स्वदेश फर्काउन सरकारले विशेष उडान सुरु गरेको छ।
नेपाल वायुसेवा निगमले अप्रिल ३ देखि ५ सम्म काठमाडौं–दुबई–दमाम र फर्किने उडानमार्फत उद्धार गर्ने तालिका बनाएको छ। नियमित उडान बन्द भएपछि आपतकालीन रूपमा यो व्यवस्था गरिएको हो।
सरकारले इच्छुक नेपालीलाई स्वदेश फर्कन सहजीकरण गर्ने र आवश्यक बीमा तथा समन्वयको व्यवस्था मिलाइएको जनाएको छ।
