काठमाडौँ — सरकारले बृहत्तर लुम्बिनी क्षेत्र विकास परियोजनाका लागि विश्व बैंकबाट करिब ८५ मिलियन अमेरिकी डलर (१२ अर्ब ६३ करोड नेपाली रुपैयाँ)को सहुलियतपूर्ण ऋण लिने निर्णय गरेको छ।
परियोजनाअन्तर्गत रूपन्देही, कपिलवस्तु र पश्चिम नवलपरासीका बुद्धसँग सम्बन्धित ऐतिहासिक तथा पुरातात्त्विक स्थलमा विकास कार्य हुने छ। परियोजना सहरी विकास र पर्यटन मन्त्रालयमार्फत कार्यान्वयन हुनेछ र कार्यान्वयन इकाई भैरहवामा राखिने तयारी भइरहेको छ।
