बुटवल, चैत २४ – रूपन्देहीको मायादेवी गाउँपालिका वडा नं. ४ स्थित सुण्डी माध्यमिक विद्यालयले उत्कृष्ट विद्यार्थीहरूलाई पुरस्कार स्वरूप भैँसी वितरण गर्दै आएको छ।
विद्यालयले पुस्तक समीक्षा प्रतियोगितामा प्रथम र दोस्रो हुने समूहका विद्यार्थीलाई भैँसी पुरस्कार दिने परम्परा स्थापना गरेको छ। यस कार्यक्रममार्फत विद्यार्थीले पुरस्कार मात्र नभई पढाइ खर्च जुटाउन र जीवन उपयोगी अनुभव पनि पाउने अवसर पाउँछन्।
विद्यालयका प्रधानाध्यापक केशव पौडेलका अनुसार भैँसी पुरस्कारले विद्यार्थीहरूको पढाइप्रति उत्साह बढाएको छ र विद्यालय छोड्ने दर घटाएको छ। दक्षिण कोरियाका पर्वतारोही उम् होङ गिलले पनि यस कार्यक्रममा सहयोग गरिरहेका छन्।
