काठमाडौं — सरकारले कानुन व्यवसायीलाई परिचयपत्रको आधारमा सिंहदरबार प्रवेश गर्न रोक लगाएको छ। यसअघि २०४६ सालदेखि नेपाल बार काउन्सिल र बार एसोसिएसनको परिचयपत्रले सहज प्रवेशको सुविधा थियो।
नेपाल बार एसोसिएसनले यस निर्णयमा गम्भीर आपत्ति जनाउँदै कानुन तथा गृह मन्त्रालय, महान्यायाधिवक्ता, प्रधानमन्त्री सचिवालय र मुख्य सचिवलाई ध्यानाकर्षण पत्र पठाउने तयारी गरेको छ।
प्रशासकीय अदालतका रजिस्टारका अनुसार अब कानुन व्यवसायीहरूले ‘नागरिक एप’ मार्फत गेट पास लिएर मात्र प्रवेश पाउनेछन्।
