सुनसरीको बराहक्षेत्र नगरपालिका–३ स्थित पकली–चतरा सडक खण्डबाट प्रहरीले दुई युवालाई लागूऔषधसहित पक्राउ गरेको छ।
उदयपुरतर्फ जाँदै गरेको मोटरसाइकल रोकेर चेकजाँच गर्दा ठूलो मात्रामा ट्रामाडोल क्याप्सुल र स्पास्पेन ट्याब्लेट बरामद भएको प्रहरीले जनाएको छ।
पक्राउ पर्नेमा उदयपुरका दुई युवक रहेका छन्। उनीहरूलाई लागूऔषधसहित नियन्त्रणमा लिएर थप अनुसन्धान भइरहेको प्रहरीले जनाएको छ।
