काठमाडौंमा प्रतिनिधिसभाका विपक्षी चार दलका प्रमुख सचेतकहरूबीच छलफल भएको छ। नेपाली कांग्रेस, नेकपा (एमाले), नेकपा र राप्रपाका सचेतकहरूले सिंहदरबारमा भेट गरी संसद्लाई प्रधानमन्त्रीले उपेक्षा गरेको विषयमा गम्भीर छलफल गरेका हुन्।
छलफलमा संसद्मा विपक्षीको आवाज दबाउने प्रवृत्ति, सरकारको व्यवहार र लोकतान्त्रिक अभ्यास कमजोर हुँदै गएको विषय उठाइएको बताइएको छ। सहभागीहरूले संविधान कार्यान्वयन र संसद्को मर्यादा कायम राख्न संयुक्त रूपमा अघि बढ्ने सहमति गरेका छन्।
