काठमाडौं — जल तथा मौसम विज्ञान विभागले आज देशका विभिन्न क्षेत्रमा तीव्र हावाहुरीको सम्भावना रहेको जनाएको छ।
दिउँसो बाँके, दाङ, रुपन्देही र कपिलवस्तुमा हावाहुरी चल्ने अनुमान गरिएको छ भने राति बारा, पर्सा, रौतहटलगायत तराईका जिल्लामा जोखिम बढी रहने बताइएको छ।
यसैगरी ताप्लेजुङ, ओखलढुंगा, जिरी र जोमसोममा वर्षा हुने सम्भावना पनि रहेको छ।
विभागले हावाहुरीबाट बच्न आवश्यक सावधानी अपनाउन सर्वसाधारणलाई आग्रह गरेको छ।
