मुस्ताङ, चैत २३ — उपल्लो मुस्ताङको लोमान्थाङ–४ चुमजुङमा हिमचितुवाको आक्रमणबाट १० भेडा र ११ च्याङ्ग्रा मरेका छन् भने सात घाइते भएका छन्। तीन सय १५ वटा भेडाच्याङ्ग्रा रहेको खोरमा भएको घटनापछि क्षति प्रारम्भिक रूपमा चार लाख ५५ हजार रुपैयाँ अनुमान गरिएको छ। एक्यापले घटनास्थलमा निगरानीका लागि सिसीक्यामेरा जडान गरेको छ र पीडित पशुपालकलाई वन्यजन्तु क्षति राहत उपलब्ध गराइने जनाएको छ।