काभ्रेपलाञ्चोक — महाभारत गाउँपालिकाले आर्थिक वर्ष २०८१/८२ को लेखापरीक्षणमा पनि शून्य बेरुजु कायम गर्दै लगातार तेस्रोपटक यो उपलब्धि हासिल गरेको छ। करिब १ अर्ब १३ करोड ७१ लाख ९० हजार रुपैयाँको लेखापरीक्षण भए पनि कुनै बेरुजु नदेखिएको प्रतिवेदनमा उल्लेख छ।
गाउँपालिकाका अध्यक्ष कान्छालाल जिम्बाका अनुसार कानुनअनुसार बजेट कार्यान्वयन, अनियमित खर्च नियन्त्रण र पारदर्शी प्रशासनका कारण यो सफलता सम्भव भएको हो।
जिल्लाका अन्य स्थानीय तहहरूमा भने सानोदेखि मध्यम स्तरसम्म बेरुजु देखिएको छ। महाभारत गाउँपालिका देशमै उदाहरणीय स्थानीय तहका रूपमा उभिएको छ।
