राउन्ड टेबल ११ ले आफ्नो सामाजिक पहलअन्तर्गत ब्याग वितरण कार्यक्रम सफलतापूर्वक सम्पन्न गरेको छ।

नयाँ बजारस्थित श्री ग्राम बाबा विद्यालयमा आयोजित उक्त कार्यक्रममा ७२ जना विद्यार्थीहरूलाई स्कूल ब्याग, आवश्यक स्टेशनरी सामग्री तथा नास्ता वितरण गरिएको थियो।

विद्यार्थीहरूको शैक्षिक यात्रालाई सहयोग तथा प्रोत्साहन गर्ने उद्देश्यले आयोजना गरिएको कार्यक्रम सहज रूपमा सम्पन्न भएको थियो। यस कार्यक्रमले बालबालिकामा खुशी र उत्साह थपेको आयोजकले जनाएको छ।